tere nasib mein duniya ka ek jhamela hai

tire nasīb meñ duniyā kā ik jhamelā hai

'nadīm' kal bhī akelā thā ab bhī tanhā hai

mire rafīq mire ham-safar tumhāre liye

zamāne bhar kī mohabbat se khel khelā hai

ḳhabar ye dī hai mujhe aa ke rāstoñ ne abhī

udaas raah meñ lashkar 'adū kā dekhā hai

girā ke dard kī mujh par chahār dīvāreñ

ye kaun hai jo mujhe baar baar rotā hai

kisī ne haal na pūchhā tumhāre baa'd kabhī

tumhīñ batāo hamārā ye haal kaisā hai

banā rahā huuñ ḳhalā par maiñ 'aks 'aks tujhe

dikhā rahā huuñ zamāne ko yaar aisā hai

ḳhayāl-e-yār meñ siine ko chaak kar Daalā

tumhāre baa'd yuuñ ḳhud ko bahut jhiñjhoḌā hai

bichhaḌte lamhe kī majbūriyāñ tirī sun kar

yaqīn maan kaleje ko apne nochā hai

pahan ke paañv meñ zanjīr ik hasīna ne

hamāre dil meñ mohabbat kā tiir maarā hai

vo intizār kiyā kartā thā mirā pahroñ

jo dekh dekh mujhe rah-guzar badaltā hai

tumheñ bhī deñge zarūrat paḌe to le lenā

hamāre dil ke lahū se charāġh jaltā hai

huzūr aap kī chāhat meñ she'r kahte haiñ

hamārā shajra kahāñ shā'iroñ se miltā hai

pilā ke jaam mohabbat kā mujh ko aaj 'nadīm'

tire ḳhayāl ne auj-e-falak se pheñkā hai

tere nasib mein duniya ka ek jhamela hai

'nadim' kal bhi akela tha ab bhi tanha hai

mere rafiq mere ham-safar tumhaare liye

zamane bhar ki mohabbat se khel khela hai

KHabar ye di hai mujhe aa ke raston ne abhi

udas rah mein lashkar 'adu ka dekha hai

gira ke dard ki mujh par chahaar diwaren

ye kaun hai jo mujhe bar bar rota hai

kisi ne haal na puchha tumhaare ba'd kabhi

tumhin batao hamara ye haal kaisa hai

bana raha hun KHala par main 'aks 'aks tujhe

dikha raha hun zamane ko yar aisa hai

KHayal-e-yar mein sine ko chaak kar Dala

tumhaare ba'd yun KHud ko bahut jhinjhoDa hai

bichhaDte lamhe ki majburiyan teri sun kar

yaqin man kaleje ko apne nocha hai

pahan ke panw mein zanjir ek hasina ne

hamare dil mein mohabbat ka tir mara hai

wo intizar kiya karta tha mera pahron

jo dekh dekh mujhe rah-guzar badalta hai

tumhein bhi denge zarurat paDe to le lena

hamare dil ke lahu se charagh jalta hai

huzur aap ki chahat mein she'r kahte hain

hamara shajra kahan sha'iron se milta hai

pila ke jam mohabbat ka mujh ko aaj 'nadim'

tere KHayal ne auj-e-falak se phenka hai