tere nazdik aata ja raha hun

tire nazdīk aatā jā rahā huuñ

vajūd apnā miTātā jā rahā huuñ

muqaddar āzmātā jā rahā huuñ

maiñ tujh se dil lagātā jā rahā huuñ

zabānī tiir khātā jā rahā huuñ

maiñ phir bhī muskurātā jā rahā huuñ

tujhe paane kī ik ḳhvāhish meñ jānāñ

maiñ kitne zaḳhm khātā jā rahā huuñ

añdheroñ se bahut Dartā huuñ lekin

charāġhoñ ko bujhātā jā rahā huuñ

rakhe the raah meñ jo dostoñ ne

maiñ sab patthar haTātā jā rahā huuñ

lagā kar aag apne hī makāñ meñ

maiñ sho.aloñ ko bujhātā jā rahā huuñ

azal kī samt se chal kar maiñ 'ārif'

abad kī samt jaatā jā rahā huuñ

tere nazdik aata ja raha hun

wajud apna miTata ja raha hun

muqaddar aazmata ja raha hun

main tujh se dil lagata ja raha hun

zabani tir khata ja raha hun

main phir bhi muskuraata ja raha hun

tujhe pane ki ek KHwahish mein jaanan

main kitne zaKHm khata ja raha hun

andheron se bahut Darta hun lekin

charaghon ko bujhata ja raha hun

rakhe the rah mein jo doston ne

main sab patthar haTata ja raha hun

laga kar aag apne hi makan mein

main shoalon ko bujhata ja raha hun

azal ki samt se chal kar main 'arif'

abad ki samt jata ja raha hun