tere qadmon pe Dali zindagi hai

tire qadmoñ pe Daalī zindagī hai

bil-āḳhir to banā lī zindagī hai

hamārī lā-ubālī zindagī hai

tamannāoñ se ḳhālī zindagī hai

hamārī ik jiyālī zindagī hai

mo.assir aur jalālī zindagī hai

azal se le kar aa.e dard-mandī

hamārī dard vaalī zindagī hai

ise ai maut hāthoñ haath lenā

baḌe nāzoñ se paalī zindagī hai

baḌhī jaatī hai az-ḳhud jānib-e-marg

baḌī hī bholī-bhālī zindagī hai

ḳhudā ne aadmī se tang aa kar

zamīñ par se uThā lī zindagī hai

hai dil masrūr to duniyā munavvar

vagarna raat kaalī zindagī hai

qazā se ai 'amar' yuuñ be-ḳhabar ho

ki jaise lā-zavālī zindagī hai

tere qadmon pe Dali zindagi hai

bil-aKHir to bana li zindagi hai

hamari la-ubaali zindagi hai

tamannaon se KHali zindagi hai

hamari ek jiyali zindagi hai

moassir aur jalali zindagi hai

azal se le kar aae dard-mandi

hamari dard wali zindagi hai

ise ai maut hathon hath lena

baDe nazon se pali zindagi hai

baDhi jati hai az-KHud jaanib-e-marg

baDi hi bholi-bhaali zindagi hai

KHuda ne aadmi se tang aa kar

zamin par se uTha li zindagi hai

hai dil masrur to duniya munawwar

wagarna raat kali zindagi hai

qaza se ai 'amar' yun be-KHabar ho

ki jaise la-zawali zindagi hai