tere raste mein baiThe hain to is mein kya burai hai

tire raste meñ baiThe haiñ to is meñ kyā burā.ī hai

tujhe ham dekh lete haiñ to is meñ kyā burā.ī hai

hamārā jurm itnā hai tumheñ apnā samajhte haiñ

tumheñ apnā samajhte haiñ to is meñ kyā burā.ī hai

bichhaḌ kar tum se ham jānāñ tumhāre paas hote haiñ

tumhāre paas hote haiñ to is meñ kyā burā.ī hai

tumhāre zulf ke saa.e hameñ to raas aate haiñ

hameñ ye raas aate haiñ to is meñ kyā burā.ī hai

tire jaise nahīñ lekin bahut achchhoñ se achchhe haiñ

bahut achchhoñ se achchhe haiñ to is meñ kyā burā.ī hai

mire ash.ār meñ jaanī tirī āñkhoñ ke charche haiñ

tirī āñkhoñ ke charche haiñ to is meñ kyā burā.ī hai

tirī rusvā.ī ke Dar se tujhe chhup-chhup ke milte haiñ

tujhe chhup-chhup ke milte haiñ to is meñ kyā burā.ī hai

kisī ne ye diyā ta.ana ki 'jāzib' ham kisī ke haiñ

agar 'jāzib' kisī ke haiñ to is meñ kyā burā.ī hai

tere raste mein baiThe hain to is mein kya burai hai

tujhe hum dekh lete hain to is mein kya burai hai

hamara jurm itna hai tumhein apna samajhte hain

tumhein apna samajhte hain to is mein kya burai hai

bichhaD kar tum se hum jaanan tumhaare pas hote hain

tumhaare pas hote hain to is mein kya burai hai

tumhaare zulf ke sae hamein to ras aate hain

hamein ye ras aate hain to is mein kya burai hai

tere jaise nahin lekin bahut achchhon se achchhe hain

bahut achchhon se achchhe hain to is mein kya burai hai

mere ashaar mein jaani teri aankhon ke charche hain

teri aankhon ke charche hain to is mein kya burai hai

teri ruswai ke Dar se tujhe chhup-chhup ke milte hain

tujhe chhup-chhup ke milte hain to is mein kya burai hai

kisi ne ye diya tana ki 'jazib' hum kisi ke hain

agar 'jazib' kisi ke hain to is mein kya burai hai