tere visal ka lamha hubab lagta hai

tire visāl kā lamha hubāb lagtā hai

ye ḳhvāb jāgtī āñkhoñ kā ḳhvāb lagtā hai

ye mere haath use chhū ke dekhnā chāheñ

vo aadmī to mujhe ik sarāb lagtā hai

hameñ to sirf shabīheñ milī haiñ yā saa.e

vo kaun haiñ jinheñ chehra kitāb lagtā hai

maiñ aadmī kī tabī.at se kuchh shanāsā huuñ

so mujh ko shahr meñ jiinā azaab lagtā hai

ye mausamoñ kā taġhayyur use badal degā

vo hogā ḳhaak jo chehra gulāb lagtā hai

tere visal ka lamha hubab lagta hai

ye KHwab jagti aankhon ka KHwab lagta hai

ye mere hath use chhu ke dekhna chahen

wo aadmi to mujhe ek sarab lagta hai

hamein to sirf shabihen mili hain ya sae

wo kaun hain jinhen chehra kitab lagta hai

main aadmi ki tabiat se kuchh shanasa hun

so mujh ko shahr mein jina azab lagta hai

ye mausamon ka taghayyur use badal dega

wo hoga KHak jo chehra gulab lagta hai