teri aankhon ka aisa silsila hun

tirī āñkhoñ kā aisā silsila huuñ

ki ḳhvāboñ kī tarah ab jāgtā huuñ

mujhe DhūñDoge āḳhir tum kahāñ tak

maiñ hijrat kī havā se mil gayā huuñ

jo tere aa.ine ke darmiyāñ hai

usī rishte kā maiñ ik fāsla huuñ

ye dikhlātī hai jo dekhā huā hai

maiñ apnī aañkh se behad ḳhafā huuñ

zarā ḳhud aa.ine meñ dekh le tū

tire chehre pe maiñ likkhā huā huuñ

kisī ko maiñ ne chāhā thā magar ab

usī ke dil kī hasrat ban gayā huuñ

nikal kar sub.h jo har shaam Duube

usī sūraj ko har dam dekhtā huuñ

mirī āñkhoñ meñ phir ik shaam Duubī

kisī ke dil meñ maiñ bhī mar chukā huuñ

teri aankhon ka aisa silsila hun

ki KHwabon ki tarah ab jagta hun

mujhe DhunDoge aaKHir tum kahan tak

main hijrat ki hawa se mil gaya hun

jo tere aaine ke darmiyan hai

usi rishte ka main ek fasla hun

ye dikhlati hai jo dekha hua hai

main apni aankh se behad KHafa hun

zara KHud aaine mein dekh le tu

tere chehre pe main likkha hua hun

kisi ko main ne chaha tha magar ab

usi ke dil ki hasrat ban gaya hun

nikal kar subh jo har sham Dube

usi suraj ko har dam dekhta hun

meri aankhon mein phir ek sham Dubi

kisi ke dil mein main bhi mar chuka hun