teri aarzu teri justuju mujhe raat din yahi kaam hai

tirī aarzū tirī justujū mujhe raat din yahī kaam hai

mire dil meñ terī hī yaad hai mire lab pe terā hī naam hai

maiñ bhaTak rahā huuñ idhar udhar kabhī is nagar kabhī us nagar

mujhe dhaḌkanoñ se patā chalā mire dil meñ terā maqām hai

tumheñ kyā batā.ūñ atā-patā mirā gardishoñ se hai vāsta

ki maiñ ek ḳhāna-ḳharāb huuñ kahīñ sub.h hai kahīñ shaam hai

jo nahīñ hai vaqt kā ham-safar use sub.h-o-shām kī kyā ḳhabar

ho kisī kā vaqt pe kyā asar bhalā vaqt kis kā ġhulām hai

hue kyā tumhāre vo qahqahe vo gale lagānā tapāk se

vo khiñche khiñche se ho aaj kyoñ na salām hai na payām hai

koī tujh ko pahuñchegā kyā bhalā koī terā hiitā karegā kyā

jo gumān-o-vaham se duur hai vo maqām terā maqām hai

ye tilism hai na.e daur kā koī imtiyāz karegā kyā

kahāñ 'shād' sajda ravā rakheñ kahāñ sar jhukānā harām hai

teri aarzu teri justuju mujhe raat din yahi kaam hai

mere dil mein teri hi yaad hai mere lab pe tera hi nam hai

main bhaTak raha hun idhar udhar kabhi is nagar kabhi us nagar

mujhe dhaDkanon se pata chala mere dil mein tera maqam hai

tumhein kya bataun ata-pata mera gardishon se hai wasta

ki main ek KHana-KHarab hun kahin subh hai kahin sham hai

jo nahin hai waqt ka ham-safar use subh-o-sham ki kya KHabar

ho kisi ka waqt pe kya asar bhala waqt kis ka ghulam hai

hue kya tumhaare wo qahqahe wo gale lagana tapak se

wo khinche khinche se ho aaj kyon na salam hai na payam hai

koi tujh ko pahunchega kya bhala koi tera hita karega kya

jo guman-o-waham se dur hai wo maqam tera maqam hai

ye tilism hai nae daur ka koi imtiyaz karega kya

kahan 'shad' sajda rawa rakhen kahan sar jhukana haram hai