teri duniya mein jab tak bhi jie hum

tirī duniyā meñ jab tak bhī ji.e ham

fareb-e-ārzū khāyā kiye ham

agar shart-e-vafā hai be-niyāzī

to phir ai jān-e-mahfil jī liye ham

pareshāñ abr kī sūrat phire haiñ

ġhubār-e-kārvāñ ban kar ji.e ham

ilāhī ḳhair ho jazb-o-junūñ kī

chale haiñ shauq kī duniyā liye ham

ye thā e'jāz chashm-e-pur-fusūñ kā

hue maḳhmūr aksar bin piye ham

bujhāte haiñ charāġh-e-ārzū vo

jalāte haiñ mohabbat ke diye ham

sharāb-e-nāb piine ke liye vo

magar saaqī tarasne ke liye ham

teri duniya mein jab tak bhi jie hum

fareb-e-arzu khaya kiye hum

agar shart-e-wafa hai be-niyazi

to phir ai jaan-e-mahfil ji liye hum

pareshan abr ki surat phire hain

ghubar-e-karwan ban kar jie hum

ilahi KHair ho jazb-o-junun ki

chale hain shauq ki duniya liye hum

ye tha e'jaz chashm-e-pur-fusun ka

hue maKHmur aksar bin piye hum

bujhate hain charagh-e-arzu wo

jalate hain mohabbat ke diye hum

sharab-e-nab pine ke liye wo

magar saqi tarasne ke liye hum