teri furqat ka mausam aur teri yaadon ki ranai

tirī furqat kā mausam aur tirī yādoñ kī ra.anā.ī

inhī se zindagī kā kuchh hameñ ehsās hai baaqī

diloñ ke TūTne kī gar koī āvāz hotī to

ajab hotā agar koī samā.at taab le aatī

banā hai ḳhaak se lekin na ho gar ḳhāksārī to

barābar hai tirā honā na honā paikar-e-ḳhākī

zabāñ pe lā ke dil kī baat maiñ zer-e-itāb aayā

agar chup-chāp sah letā mirī hotī na rusvā.ī

bahut vāzeh nazar aate haiñ chehre is meñ logoñ ke

banā letā huuñ aaḌe vaqt ko maiñ aa.ina 'sādī'

teri furqat ka mausam aur teri yaadon ki ranai

inhi se zindagi ka kuchh hamein ehsas hai baqi

dilon ke TuTne ki gar koi aawaz hoti to

ajab hota agar koi samaat tab le aati

bana hai KHak se lekin na ho gar KHaksari to

barabar hai tera hona na hona paikar-e-KHaki

zaban pe la ke dil ki baat main zer-e-itab aaya

agar chup-chap sah leta meri hoti na ruswai

bahut wazeh nazar aate hain chehre is mein logon ke

bana leta hun aaDe waqt ko main aaina 'sadi'