teri jab se nazar badli hui hai

tirī jab se nazar badlī huī hai

mirī shām-o-sahar badlī huī hai

hai manzil ek shaiḳh-o-barhaman kī

magar kuchh rahguzar badlī huī hai

ḳhudā jaane hamārā haal kyā hai

nigāh-e-chārāgar badlī huī hai

tumhāre vāste chhoḌā zamāna

tumhārī bhī nazar badlī huī hai

hamārā kyā bigāḌegī ye duniyā

hamārī rahguzar badlī huī hai

milā jab se tirī zulfoñ kā saaya

junūñ kī dopahar badlī huī hai

mohabbat kā safar kaise kaTegā

nigāh-e-rāhbar badlī huī hai

firāq-e-dost kā ehsās tauba

sahar to hai magar badlī huī hai

Dareñ kab tak zamāne kī nazar se

badalne do agar badlī huī hai

na pūchho vaqt kī be-e'tibārī

tamannā-e-safar badlī huī hai

sañbhal kar chal ye hai rāh-e-mohabbat

yahāñ har ik Dagar badlī huī hai

sunā thā aane vaale haiñ vo lekin

ka.ī din se ḳhabar badlī huī hai

mohabbat kā safar kaise kaTegā

nigāh-e-ham-safar badlī huī hai

havā-e-vaqt ke hamle to dekho

har ik shāḳh-e-shajar badlī huī hai

duā.eñ māñgiye rab se ki 'shākir'

havā-e-bahr-o-bar badlī huī hai

teri jab se nazar badli hui hai

meri sham-o-sahar badli hui hai

hai manzil ek shaiKH-o-barhaman ki

magar kuchh rahguzar badli hui hai

KHuda jaane hamara haal kya hai

nigah-e-chaaragar badli hui hai

tumhaare waste chhoDa zamana

tumhaari bhi nazar badli hui hai

hamara kya bigaDegi ye duniya

hamari rahguzar badli hui hai

mila jab se teri zulfon ka saya

junun ki dopahar badli hui hai

mohabbat ka safar kaise kaTega

nigah-e-rahbar badli hui hai

firaq-e-dost ka ehsas tauba

sahar to hai magar badli hui hai

Daren kab tak zamane ki nazar se

badalne do agar badli hui hai

na puchho waqt ki be-e'tibari

tamanna-e-safar badli hui hai

sanbhal kar chal ye hai rah-e-mohabbat

yahan har ek Dagar badli hui hai

suna tha aane wale hain wo lekin

kai din se KHabar badli hui hai

mohabbat ka safar kaise kaTega

nigah-e-ham-safar badli hui hai

hawa-e-waqt ke hamle to dekho

har ek shaKH-e-shajar badli hui hai

duaen mangiye rab se ki 'shakir'

hawa-e-bahr-o-bar badli hui hai