teri jafaon ka lubb-e-lubab likkha hai

tirī jafāoñ kā lubb-e-lubāb likkhā hai

jo mere chehre pe dil ne hisāb likkhā hai

na saañs lene kī tāqat na aane jaane kī

mire nasīb meñ kaisā azaab likkhā hai

sitam kiye the jo tum ne vo yaad haiñ ham ko

hamāre paas to sab kā hisāb likkhā hai

ulaT ke dekho sitam kā javāb kis se milā

mirī kitāb meñ is kā javāb likkhā hai

hamāre likhne pe kyoñ e'tirāz hai tum ko

jahāñ bhī likkhā hai tum ko gulāb likkhā hai

ġhazal to ek bahānā hai asl meñ 'anjum'

kisī savāl kā ham ne javāb likkhā hai

teri jafaon ka lubb-e-lubab likkha hai

jo mere chehre pe dil ne hisab likkha hai

na sans lene ki taqat na aane jaane ki

mere nasib mein kaisa azab likkha hai

sitam kiye the jo tum ne wo yaad hain hum ko

hamare pas to sab ka hisab likkha hai

ulaT ke dekho sitam ka jawab kis se mila

meri kitab mein is ka jawab likkha hai

hamare likhne pe kyon e'tiraaz hai tum ko

jahan bhi likkha hai tum ko gulab likkha hai

ghazal to ek bahana hai asl mein 'anjum'

kisi sawal ka hum ne jawab likkha hai