teri justuju mein hum itna chale hain

tirī justujū meñ ham itnā chale haiñ

hare hashr meñ paañv ke aable haiñ

unheñ barq-o-tūfāñ se kuchh Dar nahīñ hai

havādis ke āġhosh meñ jo pale haiñ

qadam apne har samt rakhnā sañbhal ke

fareboñ ke so.e hue zalzale haiñ

unheñ reg-e-sahrā nikalne na degī

jo rāhoñ se bhaTke hue qāfile haiñ

nazar aa ga.ī hai sharāroñ kī bastī

to aksar havāoñ ne pankhe jhale haiñ

sadāqat ke badle meñ patthar milegā

kahāñ aap shīsha dikhāne chale haiñ

'amal kī zarā aur lau tez kar do

gunāhoñ ke phaile hue qāfile haiñ

hameñ aaj hañsne do 'betāb' dil se

bahut der meñ ġham ke suraj Dhale haiñ

teri justuju mein hum itna chale hain

hare hashr mein panw ke aable hain

unhen barq-o-tufan se kuchh Dar nahin hai

hawadis ke aaghosh mein jo pale hain

qadam apne har samt rakhna sanbhal ke

farebon ke soe hue zalzale hain

unhen reg-e-sahra nikalne na degi

jo rahon se bhaTke hue qafile hain

nazar aa gai hai shararon ki basti

to aksar hawaon ne pankhe jhale hain

sadaqat ke badle mein patthar milega

kahan aap shisha dikhane chale hain

'amal ki zara aur lau tez kar do

gunahon ke phaile hue qafile hain

hamein aaj hansne do 'betab' dil se

bahut der mein gham ke suraj Dhale hain