teri mahfil se jo uTh jaenge mehr-o-wafa wale

tirī mahfil se jo uTh jā.eñge mehr-o-vafā vaale

to pūchhegā tujhe phir kaun ai jaur-o-jafā vaale

nigāh-e-yār itnī sī ‘ināyat ham pe ho jaatī

ki duniyā ye samajh letī ki ham bhī haiñ ḳhudā vaale

hamārī qadr kar pīr-e-muġhāñ ki vāste jin ke

liye phirte haiñ jām-e-arġhavānī mai-kada vaale

ye beḌā hai junūñ kā kab rukā bād-e-muḳhālif se

nayā tūfān laa.eñ DhūñD DhūñDh kar balā vaale

diye jalte na palkoñ par na bazm-e-ārzū sajtī

baḌā ehsān dil par hai tirā jūd-o-saḳhā vaale

tujhe apnoñ ne chhoḌā aur ġhairoñ ne hai apnāyā

mubārak ho tujhe naql-e-makānī mustafā vaale

ġhazal kahte na tujh par to bhalā kis ko patā chaltā

ye chehra chaudhvīñ kā chāñd hai gesū ghaTā vaale

taḳhallus hai 'sahar' dil kī galī shahr-e-mohabbat hai

chale aao bahut āsān se haiñ ham patā vaale

teri mahfil se jo uTh jaenge mehr-o-wafa wale

to puchhega tujhe phir kaun ai jaur-o-jafa wale

nigah-e-yar itni si ‘inayat hum pe ho jati

ki duniya ye samajh leti ki hum bhi hain KHuda wale

hamari qadr kar pir-e-mughan ki waste jin ke

liye phirte hain jam-e-arghawani mai-kada wale

ye beDa hai junun ka kab ruka baad-e-muKHalif se

naya tufan laen DhunD DhunDh kar bala wale

diye jalte na palkon par na bazm-e-arzu sajti

baDa ehsan dil par hai tera jud-o-saKHa wale

tujhe apnon ne chhoDa aur ghairon ne hai apnaya

mubarak ho tujhe naql-e-makani mustafa wale

ghazal kahte na tujh par to bhala kis ko pata chalta

ye chehra chaudhwin ka chand hai gesu ghaTa wale

taKHallus hai 'sahar' dil ki gali shahr-e-mohabbat hai

chale aao bahut aasan se hain hum pata wale