teri rahmaton ka talib mujhe aas tere dar se

tirī rahmatoñ kā tālib mujhe aas tere dar se

ye qadam bahak na jaa.e mirī muflisī ke Dar se

hai tavañgaroñ kā mela tū ġharīb hai akelā

tirā dil na TuuT jaa.e tū abhī na jā udhar se

ka.ī jaam ḳhālī karke vo abhī bhī hosh meñ haiñ

maiñ nashe meñ huuñ qasam se maiñ ne pī jo lī nazar se

use ḳhauf ne kināre pe pahuñchne na diyā thā

mujhe mil gayā thā sāhil mire hausloñ ke Dar se

nahīñ barg-o-gul haiñ jin par vahī tan ke sab khaḌe haiñ

vo shajar to faiz vaalā hai jhukā huā samar se

mire ġham-gusār tujh ko tirī rahbarī mubārak

maiñ ḳhud apnā rahnumā huuñ mujhe kaam hai safar se

teri rahmaton ka talib mujhe aas tere dar se

ye qadam bahak na jae meri muflisi ke Dar se

hai tawangaron ka mela tu gharib hai akela

tera dil na TuT jae tu abhi na ja udhar se

kai jam KHali karke wo abhi bhi hosh mein hain

main nashe mein hun qasam se main ne pi jo li nazar se

use KHauf ne kinare pe pahunchne na diya tha

mujhe mil gaya tha sahil mere hauslon ke Dar se

nahin barg-o-gul hain jin par wahi tan ke sab khaDe hain

wo shajar to faiz wala hai jhuka hua samar se

mere gham-gusar tujh ko teri rahbari mubarak

main KHud apna rahnuma hun mujhe kaam hai safar se