teri sada-dili ka aaina hun

tirī sāda-dilī kā aa.ina huuñ

ki apnā aap arpan kar chukā huuñ

maiñ apne jism par bārūd bāñdhe

tumhārī raah meñ kab se khaḌā huuñ

pareshāñ karne vaale mīThe ḳhvābo

abhī kuchh der Thahro so rahā huuñ

zarā dekho maiñ ik kachhve kī sūrat

ḳhud apne ḳhol ke andar chhupā huuñ

kisī phaldār Tahnī kī tarah ab

maiñ apne bojh se hī jhuk gayā huuñ

tirī dahlīz par sadiyoñ se yūñhī

maiñ saarī raat jaltā huuñ diyā huuñ

maiñ kis kis ko javāban 'arz kar luuñ

ki anjām-e-mohabbat jāntā huuñ

mirī har baat ko rad kar chukā hai

maiñ munsif ko du'ā.eñ bhejtā huuñ

merī niyyat hī 'īraj' saaf kab hai

na insāñ huuñ na hī insāñ-numā huuñ

teri sada-dili ka aaina hun

ki apna aap arpan kar chuka hun

main apne jism par barud bandhe

tumhaari rah mein kab se khaDa hun

pareshan karne wale miThe KHwabo

abhi kuchh der Thahro so raha hun

zara dekho main ek kachhwe ki surat

KHud apne KHol ke andar chhupa hun

kisi phaldar Tahni ki tarah ab

main apne bojh se hi jhuk gaya hun

teri dahliz par sadiyon se yunhi

main sari raat jalta hun diya hun

main kis kis ko jawaban 'arz kar lun

ki anjam-e-mohabbat jaanta hun

meri har baat ko rad kar chuka hai

main munsif ko du'aen bhejta hun

meri niyyat hi 'iraj' saf kab hai

na insan hun na hi insan-numa hun