teri tarz-e-sitam ko humne ishrat-afrin paya

tirī tarz-e-sitam ko ham ne ishrat-āfrīñ paayā

jahannam-zār ko bhī ġhairat-e-ḳhuld-e-barīñ paayā

zahe qismat jagah paa.ī jo maiñ ne terī mahfil meñ

Thikāna ḳhaak ne go ki sar-e-arsh-e-barīñ paayā

tire jalvoñ ne baḳhshī merī nazroñ ko vo rangīnī

riyāz-e-dahr kī har chiiz ko maiñ ne hasīñ paayā

niyāz-e-sajda-e-ulfat kī qaa.il kyoñ na ho duniyā

tire har naqsh-e-pā-e-nāz par naqsh-e-jabīñ paayā

sanam-ḳhānoñ kī tasvīroñ meñ duniyā ne bahut DhūñDā

shabīh-e-nāz ko ham ne 'musavvir' dil-nashīñ paayā

teri tarz-e-sitam ko hum ne ishrat-afrin paya

jahannam-zar ko bhi ghairat-e-KHuld-e-barin paya

zahe qismat jagah pai jo main ne teri mahfil mein

Thikana KHak ne go ki sar-e-arsh-e-barin paya

tere jalwon ne baKHshi meri nazron ko wo rangini

riyaz-e-dahr ki har chiz ko main ne hasin paya

niyaz-e-sajda-e-ulfat ki qail kyon na ho duniya

tere har naqsh-e-pa-e-naz par naqsh-e-jabin paya

sanam-KHanon ki taswiron mein duniya ne bahut DhunDa

shabih-e-naz ko hum ne 'musawwir' dil-nashin paya