teri wafa mein mere intizar mein kya tha

tirī vafā meñ mire intizār meñ kyā thā

ḳhizāñ ke dard meñ zaḳhm-e-bahār meñ kyā thā

ye sochnā thā na ho jaa.eñ is qadar majbūr

ye dekhnā thā tire iḳhtiyār meñ kyā thā

laboñ ne phuul tarāshe nazar ne barsā.e

magar vo kāvish-e-mizhgān-e-yār meñ kyā thā

udhar ḳhayāl thā ruḳhsār-o-chashm-o-lab kā idhar

ḳhabar nahīñ dil-e-ummīd-vār meñ kyā thā

nazar ke kāñTe pe tul kar subuk hue na garāñ

tavāzun-e-nigah-e-nau-bahār meñ kyā thā

nigah meñ ramz-e-ġhazal lab pe maqta-e-tamkīñ

bayāñ to kījiye us iḳhtisār meñ kyā thā

laboñ ko tum ne to 'mas.ūd' sī liyā thā magar

tabassum-e-nigh-e-rāz-dār meñ kyā thā

teri wafa mein mere intizar mein kya tha

KHizan ke dard mein zaKHm-e-bahaar mein kya tha

ye sochna tha na ho jaen is qadar majbur

ye dekhna tha tere iKHtiyar mein kya tha

labon ne phul tarashe nazar ne barsae

magar wo kawish-e-mizhgan-e-yar mein kya tha

udhar KHayal tha ruKHsar-o-chashm-o-lab ka idhar

KHabar nahin dil-e-ummid-war mein kya tha

nazar ke kanTe pe tul kar subuk hue na garan

tawazun-e-nigah-e-nau-bahaar mein kya tha

nigah mein ramz-e-ghazal lab pe maqta-e-tamkin

bayan to kijiye us iKHtisar mein kya tha

labon ko tum ne to 'masud' si liya tha magar

tabassum-e-nigh-e-raaz-dar mein kya tha