teri yaadon ke sae mein hamare din guzarte hain

tirī yādoñ ke saa.e meñ hamāre din guzarte haiñ

tujhe ham chāhte the kal tujhī pe aaj marte haiñ

mohabbat kā ye rishta toḌnā āsāñ nahīñ hargiz

magar hālāt kī bāzīgarī se ham bhī Darte haiñ

ye bādal bhī guzar jaate haiñ sahrāoñ se bin barse

magar sarsabz vaadī meñ ye be-mausam baraste haiñ

hamāre vāste bād-e-sabā ban kar vo aa.egā

yahī armāñ liye gin gin ke taare sub.h karte haiñ

isī ummīd par har mausam-e-gul ko sadā.eñ diiñ

na-jāne kab hamārī zindagī ke din sañvarte haiñ

'majīd' āsāñ nahīñ hai un ke va.adoñ kā vafā honā

jo ḳhushbū kī tarah uḌ kar fazāoñ meñ bikharte haiñ

teri yaadon ke sae mein hamare din guzarte hain

tujhe hum chahte the kal tujhi pe aaj marte hain

mohabbat ka ye rishta toDna aasan nahin hargiz

magar haalat ki bazigari se hum bhi Darte hain

ye baadal bhi guzar jate hain sahraon se bin barse

magar sarsabz wadi mein ye be-mausam baraste hain

hamare waste baad-e-saba ban kar wo aaega

yahi arman liye gin gin ke tare subh karte hain

isi ummid par har mausam-e-gul ko sadaen din

na-jaane kab hamari zindagi ke din sanwarte hain

'majid' aasan nahin hai un ke wadon ka wafa hona

jo KHushbu ki tarah uD kar fazaon mein bikharte hain