teri zat se main wafa chahta hun

tirī zaat se maiñ vafā chāhtā huuñ

maiñ terī hamesha baqā chāhtā huuñ

bahut tere nāz-o-adā maiñ ne dekhe

na.e naaz ab dekhnā chāhtā huuñ

mire sāmne jān-e-jāñ tum raho bas

maiñ is ke sivā aur kyā chāhtā huuñ

sharāb-e-mohabbat se maḳhmūr ho kar

maiñ din-rāt tujh se milā chāhtā huuñ

kināra hai nāpaid mauj-e-jafā hai

maiñ mauj-e-jafā se bachā chāhtā huuñ

baḌhā dard merā hai had se ziyāda

maiñ be-dard tujh se davā chāhtā huuñ

tum aa.e ga.e barq ban kar mire ghar

maiñ har dam tumheñ dekhnā chāhtā huuñ

jamā kar nazar tum ko taakā hai paiham

''baḌā be-adab huuñ sazā chāhtā hūñ''

tamanna hai 'ahqar' banūñ maiñ bhī shā.ir

maiñ hassān-sābit banā chāhtā huuñ

teri zat se main wafa chahta hun

main teri hamesha baqa chahta hun

bahut tere naz-o-ada main ne dekhe

nae naz ab dekhna chahta hun

mere samne jaan-e-jaan tum raho bas

main is ke siwa aur kya chahta hun

sharab-e-mohabbat se maKHmur ho kar

main din-raat tujh se mila chahta hun

kinara hai napaid mauj-e-jafa hai

main mauj-e-jafa se bacha chahta hun

baDha dard mera hai had se ziyaada

main be-dard tujh se dawa chahta hun

tum aae gae barq ban kar mere ghar

main har dam tumhein dekhna chahta hun

jama kar nazar tum ko taka hai paiham

baDa be-adab hun saza chahta hun

tamanna hai 'ahqar' banun main bhi shair

main hassan-sabit bana chahta hun