tishna-labi ne jab bhi zauq-e-amal diya hai

tishna-labī ne jab bhī zauq-e-amal diyā hai

rindoñ ne mai-kade kā saaqī badal diyā hai

duniyā hai is kī shāhid is shahr-e-be-amāñ ne

jis meñ anā samā.ī vo sar kuchal diyā hai

khilte rahe haiñ jo gul bād-e-ḳhizāñ kī shah par

dast-e-sabā ne baḌh kar un ko masal diyā hai

sab ne sunī hai jis meñ asr-e-ravāñ kī dhaḌkan

'manzūr' ham ne aisā sāz-e-ġhazal diyā hai

tishna-labi ne jab bhi zauq-e-amal diya hai

rindon ne mai-kade ka saqi badal diya hai

duniya hai is ki shahid is shahr-e-be-aman ne

jis mein ana samai wo sar kuchal diya hai

khilte rahe hain jo gul baad-e-KHizan ki shah par

dast-e-saba ne baDh kar un ko masal diya hai

sab ne suni hai jis mein asr-e-rawan ki dhaDkan

'manzur' hum ne aisa saz-e-ghazal diya hai