tishnagi aur baDhaenge chale jaenge

tishnagī aur baḌhā.eñge chale jā.eñge

aap aa.e bhī to ā.eñge chale jā.eñge

muhtamim ham ne sar-e-bazm kahāñ rahnā hai

jab vo uTh kar chale jā.eñge chale jā.eñge

vaqt kam hai ki ġham-e-zīst pas-e-pusht kiye

jashn ġham-ḳhvār manāeñge chale jā.eñge

jab bhī ham ḳhāna-ba-doshoñ se tū uktā.egā

zindagī sar pe uThā.eñge chale jā.eñge

log DhūñDeñge nikal kar hameñ un galiyoñ meñ

sirf āvāz lagā.eñge chale jā.eñge

ham se dīvānoñ kī aadat hai mileñge jab bhī

mil ke ro.eñge rulā.enge chale jā.eñge

ye tirī ḳhām-ḳhayālī hai ki ham mahfil meñ

muñh uThā.e chale ā.eñge chale jā.eñge

zindagī bazm-e-suḳhan hai jise sunte sunte

apne hisse kā sunā.eñge chale jā.eñge

ye to sīkhā hī nahīñ aap kī sohbat se ki aap

jab charāġhoñ ko bujhā.eñge chale jā.eñge

sar-phire aise haiñ 'shāhid' ki ġhurūr-e-hastī

tum ko miTTī meñ milā.eñge chale jā.eñge

tishnagi aur baDhaenge chale jaenge

aap aae bhi to aaenge chale jaenge

muhtamim hum ne sar-e-bazm kahan rahna hai

jab wo uTh kar chale jaenge chale jaenge

waqt kam hai ki gham-e-zist pas-e-pusht kiye

jashn gham-KHwar manaenge chale jaenge

jab bhi hum KHana-ba-doshon se tu uktaega

zindagi sar pe uThaenge chale jaenge

log DhunDenge nikal kar hamein un galiyon mein

sirf aawaz lagaenge chale jaenge

hum se diwanon ki aadat hai milenge jab bhi

mil ke roenge rulaenge chale jaenge

ye teri KHam-KHayali hai ki hum mahfil mein

munh uThae chale aaenge chale jaenge

zindagi bazm-e-suKHan hai jise sunte sunte

apne hisse ka sunaenge chale jaenge

ye to sikha hi nahin aap ki sohbat se ki aap

jab charaghon ko bujhaenge chale jaenge

sar-phire aise hain 'shahid' ki ghurur-e-hasti

tum ko miTTi mein milaenge chale jaenge