tishnagi honTon pe rakhna aur samundar sochna

tishnagī hoñToñ pe rakhnā aur samundar sochnā

mujh ko pāgal kar gayā hai ek ḳhud-sar sochnā

hoñT us ne sī liye to phir mujhe bhī umr bhar

chup ke mausam kāTnā haiñ aur barābar sochnā

saare ā.īne sajā kar soch kī dahlīz par

ek din merī tarah phir tum bhī patthar sochnā

sard sochoñ ne use bhī kar diyā hai munjamid

merī āñkhoñ meñ basā thā ek manzar sochnā

chhāñv sab kī ek sī hai muḳhtalif haiñ sā.ebāñ

rah-guzar meñ bhī usī kā sāya-e-dar sochnā

ek lamha kāTne meñ umr saarī lag ga.ī

us kī jānib dekhnā aur zindagī bhar sochnā

apne hisse meñ yahī socheñ to aa.ī haiñ 'kafīl'

sochnā aur fursatoñ meñ yūñhī aksar sochnā

tishnagi honTon pe rakhna aur samundar sochna

mujh ko pagal kar gaya hai ek KHud-sar sochna

honT us ne si liye to phir mujhe bhi umr bhar

chup ke mausam kaTna hain aur barabar sochna

sare aaine saja kar soch ki dahliz par

ek din meri tarah phir tum bhi patthar sochna

sard sochon ne use bhi kar diya hai munjamid

meri aankhon mein basa tha ek manzar sochna

chhanw sab ki ek si hai muKHtalif hain saeban

rah-guzar mein bhi usi ka saya-e-dar sochna

ek lamha kaTne mein umr sari lag gai

us ki jaanib dekhna aur zindagi bhar sochna

apne hisse mein yahi sochen to aai hain 'kafil'

sochna aur fursaton mein yunhi aksar sochna