tishnagi wo thi ki jo ruh tak aai na gai

tishnagī vo thī ki jo ruuh tak aa.ī na ga.ī

jism kī pyaas laboñ se bhī bujhā.ī na ga.ī

maiñ ne har samt hī dekhā hai use jān-e-bahār

gardish-e-vaqt kī tasvīr ghumā.ī na ga.ī

haa.e vo ḳhuun ke pyāse haiñ unheñ kyā mā'lūm

laash maañ baap kī bachchoñ se uThā.ī na ga.ī

ek din bāġh-e-tilismāt meñ dekhā maiñ ne

sabz peḌoñ ko koī baat sunā.ī na ga.ī

bārhā dekhā hai yak-tarfa tamāshā maiñ ne

ḳhaak is dasht-navardī meñ uḌaa.ī na ga.ī

ham ne koshish to bahut kī thī magar ham se ai dost

ik tirī yaad thī jo ham se bhulā.ī na ga.ī

us kī tamsīl-garī dekh ke andāza huā

ham se kyoñ ḳhāk-basar ziist kamā.ī na ga.ī

un ke qadmoñ kī maiñ aahaT se hī pahchān ga.ī

dar-o-dīvār ko āvāz lagā.ī na ga.ī

sab ne is mulk ko luuTā hai mahārat se 'umūd'

hukmarānoñ se yahī baat chhupā.ī na ga.ī

tishnagi wo thi ki jo ruh tak aai na gai

jism ki pyas labon se bhi bujhai na gai

main ne har samt hi dekha hai use jaan-e-bahaar

gardish-e-waqt ki taswir ghumai na gai

hae wo KHun ke pyase hain unhen kya ma'lum

lash man bap ki bachchon se uThai na gai

ek din bagh-e-tilismat mein dekha main ne

sabz peDon ko koi baat sunai na gai

barha dekha hai yak-tarfa tamasha main ne

KHak is dasht-nawardi mein uDai na gai

hum ne koshish to bahut ki thi magar hum se ai dost

ek teri yaad thi jo hum se bhulai na gai

us ki tamsil-gari dekh ke andaza hua

hum se kyon KHak-basar zist kamai na gai

un ke qadmon ki main aahaT se hi pahchan gai

dar-o-diwar ko aawaz lagai na gai

sab ne is mulk ko luTa hai mahaarat se 'umud'

hukmaranon se yahi baat chhupai na gai