to us pe aur hamein shiddaton se pyar aaya

to us pe aur hameñ shiddatoñ se pyaar aaya

hamāre paas vo jab ho ke be-qarār aaya

vo jin ko maiñ ne sikhāyā thā hañste rahne kā fan

unhī kī bazm se maiñ aaj ashk-bār aaya

kisī ko chhūte hue thā mujhe kisī kā ḳhayāl

maiñ aaj naqsh kisī kā kahīñ utaar aaya

tumhārī yaad hī aa.ī ziyāda-tar ham ko

tumhārā zikr to varna bas ek baar aaya

maiñ jāntā bhī thā koī nahīñ sunegā mirī

kisī ko vaqt-e-zarūrat magar pukār aaya

kabhī hamīñ ne nahīñ kī nigāh us kī taraf

hamārī raah meñ vo to hazār baar aaya

to us pe aur hamein shiddaton se pyar aaya

hamare pas wo jab ho ke be-qarar aaya

wo jin ko main ne sikhaya tha hanste rahne ka fan

unhi ki bazm se main aaj ashk-bar aaya

kisi ko chhute hue tha mujhe kisi ka KHayal

main aaj naqsh kisi ka kahin utar aaya

tumhaari yaad hi aai ziyaada-tar hum ko

tumhaara zikr to warna bas ek bar aaya

main jaanta bhi tha koi nahin sunega meri

kisi ko waqt-e-zarurat magar pukar aaya

kabhi hamin ne nahin ki nigah us ki taraf

hamari rah mein wo to hazar bar aaya