to wahan ja ke bachega dil-e-hoshyar ghalat
to vahāñ jā ke bachegā dil-e-hoshyār ġhalat
un kī nazroñ kā ḳhatā hotā hai kab vaar ġhalat
ye to hūroñ kā talabgār hai dīñ-dār kahāñ
bañdh ga.ī shaiḳh ke sar bhūle se dastār ġhalat
do hī fiqroñ meñ vo aġhyār ke ban baiThe haiñ
nāma-bar un ko batātā hai jo hoshyār ġhalat
Thokareñ khā ke hī insān banā kartā hai
zindagī ishq meñ ho jā.egī yuuñ ḳhvār ġhalat
us ke dīdār kī ummīd dobāra kaisī
kahīñ hotī hai tajallī ko bhī takrār ġhalat
vo mujhe pūchhte paiġhām-rasā jhuuT na bol
ye bayāñ terā sarāsar hai mire yaar ġhalat
ishq kā josh sahī hausla ye ham meñ kahāñ
un se kuchh arz kareñge sar-e-bāzār ġhalat
'shād' hai naam vo dil shaad rahā kartā hai
vo bhalā ro.egā jā kar pas-e-dīvār ġhalat
to wahan ja ke bachega dil-e-hoshyar ghalat
un ki nazron ka KHata hota hai kab war ghalat
ye to huron ka talabgar hai din-dar kahan
bandh gai shaiKH ke sar bhule se dastar ghalat
do hi fiqron mein wo aghyar ke ban baiThe hain
nama-bar un ko batata hai jo hoshyar ghalat
Thokaren kha ke hi insan bana karta hai
zindagi ishq mein ho jaegi yun KHwar ghalat
us ke didar ki ummid dobara kaisi
kahin hoti hai tajalli ko bhi takrar ghalat
wo mujhe puchhte paigham-rasa jhuT na bol
ye bayan tera sarasar hai mere yar ghalat
ishq ka josh sahi hausla ye hum mein kahan
un se kuchh arz karenge sar-e-bazar ghalat
'shad' hai nam wo dil shad raha karta hai
wo bhala roega ja kar pas-e-diwar ghalat
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
