to yun kaho na dilon ka shikar karna hai

to yuuñ kaho nā diloñ kā shikār karnā hai

havā ke saath safar iḳhtiyār karnā hai

bajā ki zaḳhm na ginvā.eñge magar jānāñ

vo phuul kitne haiñ jin kā shumār karnā hai

ġhurūr-o-tamkanat-o-jahl se nibhā lenā

farāz-e-koh ko goyā ġhubār karnā hai

vo bad-sarisht parinda hai us kā maslak hī

jo pak ga.e vo samar dāġh-dār karnā hai

use bhī raat ga.e be-charāġh honā hai

hameñ bhī chauk meñ kuchh intizār karnā hai

vo ek ashk jo mandūb dil kā kahlā.e

vo ek jhiil jise ābshār karnā hai

to yun kaho na dilon ka shikar karna hai

hawa ke sath safar iKHtiyar karna hai

baja ki zaKHm na ginwaenge magar jaanan

wo phul kitne hain jin ka shumar karna hai

ghurur-o-tamkanat-o-jahl se nibha lena

faraaz-e-koh ko goya ghubar karna hai

wo bad-sarisht parinda hai us ka maslak hi

jo pak gae wo samar dagh-dar karna hai

use bhi raat gae be-charagh hona hai

hamein bhi chauk mein kuchh intizar karna hai

wo ek ashk jo mandub dil ka kahlae

wo ek jhil jise aabshaar karna hai