toD di sare jahan se dosti achchha kiya

toḌ dī saare jahāñ se dostī achchhā kiyā

aur ḳhud se bhī koī ḳhvāhish na kī achchhā kiyā

ik qasam jo rok saktī thī hamārī ruḳhsatī

ḳhair tum ne vo qasam ham ko na dī achchhā kiyā

lauTtā to dekhtā kuchh aur pairoñ ke nishān

par na lauTā maiñ kabhī us kī galī achchhā kiyā

logoñ kā bartāv to thā hī bahut bekār par

ḳhud se maiñ ne kaun sā ḳhud bhī kabhī achchhā kiyā

ab to jhūTe muñh bhī tum kahte nahīñ ho pyaar hai

tum ne āḳhir chhoḌ hī dī dil-lagī achchhā kiyā

toD di sare jahan se dosti achchha kiya

aur KHud se bhi koi KHwahish na ki achchha kiya

ek qasam jo rok sakti thi hamari ruKHsati

KHair tum ne wo qasam hum ko na di achchha kiya

lauTta to dekhta kuchh aur pairon ke nishan

par na lauTa main kabhi us ki gali achchha kiya

logon ka bartaw to tha hi bahut bekar par

KHud se main ne kaun sa KHud bhi kabhi achchha kiya

ab to jhuTe munh bhi tum kahte nahin ho pyar hai

tum ne aaKHir chhoD hi di dil-lagi achchha kiya