tujhko chhua to ghaaliya-sai nahin gai

tujh ko chhuā to ġhāliya-sā.ī nahīñ ga.ī

hāthoñ se bū-e-nāfā-kushā.ī nahīñ ga.ī

ab zindagī ne raah meñ maḳhmal bichhā diye

lekin hamārī ābla-pā.ī nahīñ ga.ī

tujh se bichhaḌ ke ham ko zamāna huā magar

lahje se ab bhī nauha-sarā.ī nahīñ ga.ī

tujh ko gañvā ke lauTe the ik shaam ghar ko ham

ab tak vo shaam ham se bhulā.ī nahīñ ga.ī

phir ham ne tere baad bhī ik umr kaaT lī

pahle-pahal to shaam bitā.ī nahīñ ga.ī

apnā bhī ishq masnavī sahr-ul-bayān hai

lekin ye dāstān sunā.ī nahīñ ga.ī

tujh ko chhua to ghaaliya-sai nahin gai

hathon se bu-e-nafa-kushai nahin gai

ab zindagi ne rah mein maKHmal bichha diye

lekin hamari aabla-pai nahin gai

tujh se bichhaD ke hum ko zamana hua magar

lahje se ab bhi nauha-sarai nahin gai

tujh ko ganwa ke lauTe the ek sham ghar ko hum

ab tak wo sham hum se bhulai nahin gai

phir hum ne tere baad bhi ek umr kaT li

pahle-pahal to sham bitai nahin gai

apna bhi ishq masnawi sahr-ul-bayan hai

lekin ye dastan sunai nahin gai