tujhko dil mein basa liya maine

tujh ko dil meñ basā liyā maiñ ne

apnā sāthī banā liyā maiñ ne

terī yādoñ kā dil kī duniyā meñ

ek mela sajā liyā maiñ ne

tujh ko dā'vā thā dil-navāzī kā

tujh ko bhī aazmā liyā maiñ ne

ḳhud bhī hairāñ huuñ kis tarah āḳhir

ye ta'alluq nibhā liyā maiñ ne

vo mirī dastaras se bāhar hai

jis ko maqsad banā liyā maiñ ne

dar pe sūraj ke dastakeñ de kar

haath apnā jalā liyā maiñ ne

tujh ko dil mein basa liya main ne

apna sathi bana liya main ne

teri yaadon ka dil ki duniya mein

ek mela saja liya main ne

tujh ko da'wa tha dil-nawazi ka

tujh ko bhi aazma liya main ne

KHud bhi hairan hun kis tarah aaKHir

ye ta'alluq nibha liya main ne

wo meri dastaras se bahar hai

jis ko maqsad bana liya main ne

dar pe suraj ke dastaken de kar

hath apna jala liya main ne