tujhko hathon ki lakiron mein basaya jae

tujh ko hāthoñ kī lakīroñ meñ basāyā jaa.e

tere har dard ko suulī pe chaḌhāyā jaa.e

ghar se bhāgī huī laḌkī kī tarah hai jīvan

is ko māñ-bāp ke ghar chhoḌ ke aayā jaa.e

zindagī talḳh savāloñ ke hoñ panne jaise

in savāloñ ko syllabus se haTāyā jaa.e

ab munāsib nahīñ rishte ko musalsal rakhnā

mere ḳhat ko kisī dariyā meñ bahāyā jaa.e

raat meñ rone se māñ-bāp pareshāñ hoñge

apne jazbāt ko takiye meñ chhupāyā jaa.e

bhuuk zoroñ se lagī ho to ḳhudā kyā kiije

khoTe sikke ko añdhere meñ chalāyā jaa.e

tujh ko hathon ki lakiron mein basaya jae

tere har dard ko suli pe chaDhaya jae

ghar se bhagi hui laDki ki tarah hai jiwan

is ko man-bap ke ghar chhoD ke aaya jae

zindagi talKH sawalon ke hon panne jaise

in sawalon ko syllabus se haTaya jae

ab munasib nahin rishte ko musalsal rakhna

mere KHat ko kisi dariya mein bahaya jae

raat mein rone se man-bap pareshan honge

apne jazbaat ko takiye mein chhupaya jae

bhuk zoron se lagi ho to KHuda kya kije

khoTe sikke ko andhere mein chalaya jae