tujhko har moD pe hum log dikhai denge

tujh ko har moḌ pe ham log dikhā.ī deñge

maañg ke dekh tujhe aaj ḳhudā.ī deñge

chand lamhoñ ke liye ḳhud ko tū ab sauñp hī de

tujh ko har soch meñ ham aaj sujhā.ī deñge

itnā āsāñ nahīñ ye haath jhaTak kar jaanā

suur par bhī tujhe ham hī to sunā.ī deñge

tū ab is ruuh se sanjog kā jokhim sah le

tujh ko madfūn ḳhazānoñ kī rasā.ī deñge

sochte haiñ ki barī ḳhud ko karoge kaise

ham na boleñge magar dard sunā.ī deñge

qatl kar doge sar-e-rāh to 'shāhid' phir bhī

be-gunāhī kī tumhārī hī safā.ī deñge

tujh ko har moD pe hum log dikhai denge

mang ke dekh tujhe aaj KHudai denge

chand lamhon ke liye KHud ko tu ab saunp hi de

tujh ko har soch mein hum aaj sujhai denge

itna aasan nahin ye hath jhaTak kar jaana

sur par bhi tujhe hum hi to sunai denge

tu ab is ruh se sanjog ka jokhim sah le

tujh ko madfun KHazanon ki rasai denge

sochte hain ki bari KHud ko karoge kaise

hum na bolenge magar dard sunai denge

qatl kar doge sar-e-rah to 'shahid' phir bhi

be-gunahi ki tumhaari hi safai denge