tujhse ai dost ab gila hi nahin

tujh se ai dost ab gila hī nahīñ

terī fitrat meñ to vafā hī nahīñ

raah meñ dil paḌā hai yā patthar

koī ruk kar ye dekhtā hī nahīñ

haa.e ahl-e-ḳhirad kī kam-nazarī

dil kā ab koī tazkira hī nahīñ

aa.ine kī tarah ho dil jis kā

koī aisā mujhe milā hī nahīñ

apne saa.e se log Darte haiñ

rāz-e-dil koī kholtā hī nahīñ

kis ko sauġhāt-e-āgahī deñ ham

koī bastī meñ ham-navā hī nahīñ

zaḳhm kyā mundamil hue dil ke

zindagī meñ koī maza hī nahīñ

sham.a kah kar ye bujh ga.ī kal raat

dard-e-dil kī koī davā hī nahīñ

aql-o-dil meñ na kījiye tafrīq

is se baḌh kar koī ḳhatā hī nahīñ

kyoñ Darātī hai gardish-e-ayyām

dil meñ ab koī mudda.ā hī nahīñ

hai gila apnī kam-savādī se

zindagī se koī gila hī nahīñ

log kashkol le ke phirte haiñ

haath ab tak mirā uThā hī nahīñ

roz paḌhtā huuñ ġhaur se chehre

shahr meñ koī āshnā hī nahīñ

kyoñ dikhātā hai aa.ina sab ko

koī 'ahmad' se boltā hī nahīñ

tujh se ai dost ab gila hi nahin

teri fitrat mein to wafa hi nahin

rah mein dil paDa hai ya patthar

koi ruk kar ye dekhta hi nahin

hae ahl-e-KHirad ki kam-nazari

dil ka ab koi tazkira hi nahin

aaine ki tarah ho dil jis ka

koi aisa mujhe mila hi nahin

apne sae se log Darte hain

raaz-e-dil koi kholta hi nahin

kis ko saughat-e-agahi den hum

koi basti mein ham-nawa hi nahin

zaKHm kya mundamil hue dil ke

zindagi mein koi maza hi nahin

shama kah kar ye bujh gai kal raat

dard-e-dil ki koi dawa hi nahin

aql-o-dil mein na kijiye tafriq

is se baDh kar koi KHata hi nahin

kyon Daraati hai gardish-e-ayyam

dil mein ab koi muddaa hi nahin

hai gila apni kam-sawadi se

zindagi se koi gila hi nahin

log kashkol le ke phirte hain

hath ab tak mera uTha hi nahin

roz paDhta hun ghaur se chehre

shahr mein koi aashna hi nahin

kyon dikhata hai aaina sab ko

koi 'ahmad' se bolta hi nahin