tujhse mil jaane ke imkan hue kaise kaise
tujh se mil jaane ke imkāñ hue kaise kaise
ḳhvāb hī meñ sahī sāmāñ hue kaise kaise
log ye soch ke ho jaa.eñ na hālāt ḳharāb
ālam-e-aish meñ hairāñ hue kaise kaise
lafz būḌhe huuñ to paiġhām koī kyā bheje
ham sabā se bhī pashemāñ hue kaise kaise
koī jalva hai na chehra na tajallī na kiran
aa.ine be-sar-o-sāmāñ hue kaise kaise
dil ke armānoñ kā kyā haal kaheñ tum se miyāñ
baaġh is mulk ke vīrāñ hue kaise kaise
kaisī kāfūr-pasandī hai jahāñ meñ ai 'nūr'
log jab mar ga.e zī-shāñ hue kaise kaise
tujh se mil jaane ke imkan hue kaise kaise
KHwab hi mein sahi saman hue kaise kaise
log ye soch ke ho jaen na haalat KHarab
aalam-e-aish mein hairan hue kaise kaise
lafz buDhe hun to paigham koi kya bheje
hum saba se bhi pasheman hue kaise kaise
koi jalwa hai na chehra na tajalli na kiran
aaine be-sar-o-saman hue kaise kaise
dil ke armanon ka kya haal kahen tum se miyan
bagh is mulk ke viran hue kaise kaise
kaisi kafur-pasandi hai jahan mein ai 'nur'
log jab mar gae zi-shan hue kaise kaise
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
