tujhse pahle to koi aur KHuda tha lekin

tujh se pahle to koī aur ḳhudā thā lekin

phir vo majzūb sar-e-rāh milā thā lekin

raah behtar nahīñ hai tere liye ye mirī jaan

tujh se pahle bhī ka.ī baar kahā thā lekin

sahl kab hotā hai mar miTnā kisī kī ḳhātir

sar-ba-kaf maiñ to junūñ ban ke laḌā thā lekin

tū ne us vaqt talattuf na kiyā mujh par kyoñ

maiñ sadā ban ke vafā bol rahā thā lekin

chārasāzī meñ tasarruf se chaleñ to behtar

maiñ tire sar pe falak ban ke uThā thā lekin

kyā batā.ūñgā jo pūchheñge zamāne vaale

dil-shikan tū huā kyoñ mujh se ḳhafā thā lekin

fart-e-ulfat meñ tire pā kī qasam hai 'alvī'

maiñ tirī rah meñ diyā ban ke jalā thā lekin

tujh se pahle to koi aur KHuda tha lekin

phir wo majzub sar-e-rah mila tha lekin

rah behtar nahin hai tere liye ye meri jaan

tujh se pahle bhi kai bar kaha tha lekin

sahl kab hota hai mar miTna kisi ki KHatir

sar-ba-kaf main to junun ban ke laDa tha lekin

tu ne us waqt talattuf na kiya mujh par kyon

main sada ban ke wafa bol raha tha lekin

chaarasazi mein tasarruf se chalen to behtar

main tere sar pe falak ban ke uTha tha lekin

kya bataunga jo puchhenge zamane wale

dil-shikan tu hua kyon mujh se KHafa tha lekin

fart-e-ulfat mein tere pa ki qasam hai 'alwi'

main teri rah mein diya ban ke jala tha lekin