tujhse shikwa na koi ranj hai tanhai ka
tujh se shikva na koī ranj hai tanhā.ī kā
thā mujhe shauq bahut anjuman-ārā.ī kā
kuchh to āshob-e-havā aur havas kī hai shikār
aur kuchh kaam baḌhā hai mirī bīnā.ī kā
aa.ī phir nāfa-e-imroz se ḳhushbu-e-visāl
khul gayā phir koī dar band pazīrā.ī kā
maiñ ne poshīda bhī kar rakkhā hai dar-parda-e-sher
aur bharam khul bhī gayā hai mirī dānā.ī kā
yaanī is baar bhī vo ḳhaak uḌī hai ki mujhe
ek khaTkā sā lagā rahtā hai rusvā.ī kā
shā.irī kaam hai merā so maiñ kahtā huuñ ġhazal
ye abas shauq nahīñ qāfiya-paimā.ī kā
tujh se shikwa na koi ranj hai tanhai ka
tha mujhe shauq bahut anjuman-arai ka
kuchh to aashob-e-hawa aur hawas ki hai shikar
aur kuchh kaam baDha hai meri binai ka
aai phir nafa-e-imroz se KHushbu-e-visal
khul gaya phir koi dar band pazirai ka
main ne poshida bhi kar rakkha hai dar-parda-e-sher
aur bharam khul bhi gaya hai meri danai ka
yani is bar bhi wo KHak uDi hai ki mujhe
ek khaTka sa laga rahta hai ruswai ka
shairi kaam hai mera so main kahta hun ghazal
ye abas shauq nahin qafiya-paimai ka
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
