tujhse tadbir-o-amal katba-e-taqdir na dekh

tujh se tadbīr-o-amal katba-e-taqdīr na dekh

ḳhvāb sarmāya tirā ḳhvāb kī ta.abīr na dekh

dekh kis fard ke dil meñ hai siyāhī kitnī

kis ke chehre pe hai bikhrī huī tanvīr na dekh

har musavvir kā ġham-e-dil hai talabgār-e-nazar

ek tājir kī tarah ḳhāka-o-tasvīr na dekh

aaj bhī jang ke bādal haiñ jahāñ par chhā.e

ahd-nāmoñ se ayaañ amn kī tahrīr na dekh

ātish-e-qalb se teshe hue ash.ār 'nadīm'

ham-nashīñ un meñ kabhī barf kī tāsīr na dekh

tujh se tadbir-o-amal katba-e-taqdir na dekh

KHwab sarmaya tera KHwab ki tabir na dekh

dekh kis fard ke dil mein hai siyahi kitni

kis ke chehre pe hai bikhri hui tanwir na dekh

har musawwir ka gham-e-dil hai talabgar-e-nazar

ek tajir ki tarah KHaka-o-taswir na dekh

aaj bhi jang ke baadal hain jahan par chhae

ahd-namon se ayan amn ki tahrir na dekh

aatish-e-qalb se teshe hue ashaar 'nadim'

ham-nashin un mein kabhi barf ki tasir na dekh