tujh tak guzar kisi ka ai gul-badan na dekha

tujh tak guzar kisī kā ai gul-badan na dekhā

bād-e-sabā ne ab tak terā chaman na dekhā

mailā ho rañg us kā gar chāñdnī meñ nikle

chashm-e-falak ne aisā nāzuk-badan na dekhā

uryāñ na vo nahāyā hammām ho ki dariyā

chashm-e-hubāb ne bhī us kā badan na dekhā

miltī hai mere dil ko qātil kī ḳhush-ḳhirāmī

dekhā zamāna lekin aisā chalan na dekhā

sau sau kiye bahāne jab roz-e-vāda aayā

ai hīlā-sāz tujh sā paimāñ-shikan na dekhā

qisse sune hazāroñ tasvīreñ dekhīñ lākhoñ

saj-dhaj sunī na aisī ye bāñkpan na dekhā

tujh tak guzar kisi ka ai gul-badan na dekha

baad-e-saba ne ab tak tera chaman na dekha

maila ho rang us ka gar chandni mein nikle

chashm-e-falak ne aisa nazuk-badan na dekha

uryan na wo nahaya hammam ho ki dariya

chashm-e-hubab ne bhi us ka badan na dekha

milti hai mere dil ko qatil ki KHush-KHirami

dekha zamana lekin aisa chalan na dekha

sau sau kiye bahane jab roz-e-wada aaya

ai hila-saz tujh sa paiman-shikan na dekha

qisse sune hazaron taswiren dekhin lakhon

saj-dhaj suni na aisi ye bankpan na dekha