tujhe chhu kar na guzre jo hawa achchhi nahin lagti

tujhe chhū kar na guzre jo havā achchhī nahīñ lagtī

jo phūloñ ko na chūme vo sabā achchhī nahīñ lagtī

hamāre saath rahnā hai hamāre saath hī rahnā

hameñ koī bhī shai be-āsrā achchhī nahīñ lagtī

gunāhoñ par pashemāñ hone vaalo sirf ye socho

jo ho dānista sarzad vo ḳhatā achchhī nahīñ lagtī

vo mujh se guftugū karte hue sharmā.e jaate haiñ

milan kī shab meñ tāroñ kī ziyā achchhī nahīñ lagtī

agar āñkhoñ meñ baiThe ho to dil meñ bhī utar aao

ho jis meñ bevafā.ī vo vafā achchhī nahīñ lagtī

shagufta phuul kī sūrat raho gulzār-e-hastī meñ

banāvaT jis meñ ho aisī hayā achchhī nahīñ lagtī

jahāñ tak ho sake ta.amīr ko pesh-e-nazar rakhnā

kisī ke haq meñ 'aḳhtar' badduā achchhī nahīñ lagtī

tujhe chhu kar na guzre jo hawa achchhi nahin lagti

jo phulon ko na chume wo saba achchhi nahin lagti

hamare sath rahna hai hamare sath hi rahna

hamein koi bhi shai be-asra achchhi nahin lagti

gunahon par pasheman hone walo sirf ye socho

jo ho danista sarzad wo KHata achchhi nahin lagti

wo mujh se guftugu karte hue sharmae jate hain

milan ki shab mein taron ki ziya achchhi nahin lagti

agar aankhon mein baiThe ho to dil mein bhi utar aao

ho jis mein bewafai wo wafa achchhi nahin lagti

shagufta phul ki surat raho gulzar-e-hasti mein

banawaT jis mein ho aisi haya achchhi nahin lagti

jahan tak ho sake tamir ko pesh-e-nazar rakhna

kisi ke haq mein 'aKHtar' baddua achchhi nahin lagti