tujhe ghazlon mein bhi late kahan hain
tujhe ġhazloñ meñ bhī laate kahāñ haiñ
tirī qasmeñ bhī ab khāte kahāñ haiñ
vo kyā dekheñ jo terā ḳhvāb dekheñ
vo ḳhvāboñ se nikal paate kahāñ haiñ
tū jin ko sun ke Thahre paas baiThe
vo naġhme ham magar gaate kahāñ haiñ
jahāñ meñ yuuñ hasīñ chehre bahut haiñ
ba-juz tere hameñ bhāte kahāñ haiñ
gharoñ se bhāgne vaale batā.eñ
gharoñ se bhaag kar jaate kahāñ haiñ
ye kis ummīd par baiThe ho 'rūmī'
bichhaḌ kar log phir aate kahāñ haiñ
tujhe ghazlon mein bhi late kahan hain
teri qasmen bhi ab khate kahan hain
wo kya dekhen jo tera KHwab dekhen
wo KHwabon se nikal pate kahan hain
tu jin ko sun ke Thahre pas baiThe
wo naghme hum magar gate kahan hain
jahan mein yun hasin chehre bahut hain
ba-juz tere hamein bhate kahan hain
gharon se bhagne wale bataen
gharon se bhag kar jate kahan hain
ye kis ummid par baiThe ho 'rumi'
bichhaD kar log phir aate kahan hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
