tujhe kya bataun ai dilruba tere samne mera haal hai

tujhe kyā batā.ūñ ai dilrubā tire sāmne mirā haal hai

mujhe justujū hai faqat tirī mujhe sirf terā ḳhayāl hai

hai nazar meñ merī to tū hī tū merā saañs terā hī giit hai

maiñ bhulā sakūñ tujhe dilrubā bhalā kab ye merī majāl hai

mire jism meñ tū hai har jagah mire hosh meñ tū muqīm hai

maiñ mutī.a huuñ terā hī dilrubā mire ġham kī raat hilāl hai

maiñ to zinda tere hī dam se huuñ mirī aarzū kī tū zindagī

tirī bevafā.ī kī ik nazar mirī zindagī kā savāl hai

tirī qurbatoñ kī talab mujhe tirī diid kī mujhe justujū

ki baġhair jis ke ai māh-rū mirī zindagī bhī muhāl hai

sar-e-shām hī se na jaane kyoñ hai jigar meñ Tiis sī dard kī

tire hijr hī meñ ai dilrubā yahī ishq kā zar-o-māl hai

tire ġham meñ 'ġham' ko milā hai ġham tujhe kis tarah se sukūñ kahūñ

tire ġham meñ aisī ḳhushī milī jo ki ġham kī zinda misāl hai

tujhe kya bataun ai dilruba tere samne mera haal hai

mujhe justuju hai faqat teri mujhe sirf tera KHayal hai

hai nazar mein meri to tu hi tu mera sans tera hi git hai

main bhula sakun tujhe dilruba bhala kab ye meri majal hai

mere jism mein tu hai har jagah mere hosh mein tu muqim hai

main mutia hun tera hi dilruba mere gham ki raat hilal hai

main to zinda tere hi dam se hun meri aarzu ki tu zindagi

teri bewafai ki ek nazar meri zindagi ka sawal hai

teri qurbaton ki talab mujhe teri did ki mujhe justuju

ki baghair jis ke ai mah-ru meri zindagi bhi muhaal hai

sar-e-sham hi se na jaane kyon hai jigar mein Tis si dard ki

tere hijr hi mein ai dilruba yahi ishq ka zar-o-mal hai

tere gham mein 'gham' ko mila hai gham tujhe kis tarah se sukun kahun

tere gham mein aisi KHushi mili jo ki gham ki zinda misal hai