tujhe mujhse mohabbat hai nahin to
tujhe mujh se mohabbat hai nahīñ to
to kyā phir ye rifāqat hai nahīñ to
jhukātī kyoñ ho nazreñ dekh kar tum
mirī sūrat se vahshat hai nahīñ to
faqat ash'ār likhnā gungunānā
ye sab us se shikāyat hai nahīñ to
hasīñ chehra ġhazal āñkheñ haiñ us kī
to kyā vo ḳhūb-sūrat hai nahīñ to
dil-e-bezār ko yādoñ se us kī
judā karne kī niyyat hai nahīñ to
hai kyā ġham phir agar miltā nahīñ vo
tujhe milne kī himmat hai nahīñ to
tū ġhazleñ likh rahā hai jis pe 'rūmī'
use bhī tujh se ulfat hai nahīñ to
tujhe mujh se mohabbat hai nahin to
to kya phir ye rifaqat hai nahin to
jhukati kyon ho nazren dekh kar tum
meri surat se wahshat hai nahin to
faqat ash'ar likhna gungunana
ye sab us se shikayat hai nahin to
hasin chehra ghazal aankhen hain us ki
to kya wo KHub-surat hai nahin to
dil-e-bezar ko yaadon se us ki
juda karne ki niyyat hai nahin to
hai kya gham phir agar milta nahin wo
tujhe milne ki himmat hai nahin to
tu ghazlen likh raha hai jis pe 'rumi'
use bhi tujh se ulfat hai nahin to
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
