tum jhuT hi kahte ho hunar DhunDh rahe the

tum jhuuT hī kahte ho hunar DhūñDh rahe the

ham mil na tumheñ jaate agar DhūñDh rahe the

DhūñDhā thā use jhiil meñ tāroñ meñ kalī meñ

rakkhā hī nahīñ thā vo jidhar DhūñDh rahe the

jab dekh rahe the na sabhī paañv ke chhāle

ham kaam meñ koī to kasar DhūñDh rahe the

us meñ hai ḳhatā us kī yā phir dosh hai merā

vo paas hī baiThā thā magar DhūñDh rahe the

ye log use bech ke le aa.e haiñ roTī

tum log kitāboñ meñ hunar DhūñDh rahe the

sab log the Dhakne meñ lage chehra kafan se

ham muuñd ke āñkhoñ ko safar DhūñDh rahe the

tum jhuT hi kahte ho hunar DhunDh rahe the

hum mil na tumhein jate agar DhunDh rahe the

DhunDha tha use jhil mein taron mein kali mein

rakkha hi nahin tha wo jidhar DhunDh rahe the

jab dekh rahe the na sabhi panw ke chhaale

hum kaam mein koi to kasar DhunDh rahe the

us mein hai KHata us ki ya phir dosh hai mera

wo pas hi baiTha tha magar DhunDh rahe the

ye log use bech ke le aae hain roTi

tum log kitabon mein hunar DhunDh rahe the

sab log the Dhakne mein lage chehra kafan se

hum mund ke aankhon ko safar DhunDh rahe the