tumko paya naqd-e-hasti raegan hone ke baad

tum ko paayā naqd-e-hastī rā.egāñ hone ke baad

daulat-e-nau haath aa.ī be-nishāñ hone ke baad

jaam gir kar haath se zer-e-asā hai chūr-chūr

kyā ji.eñ ham rind pīr-e-nā-tavāñ hone ke baad

tere lab par aur harf-e-nā-umīdī ai nadīm

ye sitam ahl-e-vafā kā rāz-dāñ hone ke baad

azm-e-masjid se tulū-e-sub.h se kuchh peshtar

zeb-e-mai-ḳhāna huuñ maġhrib kī azaañ hone ke baad

ḳhār-o-ḳhas phūñke lagā dī barq ne ḳhirman meñ aag

sadma-e-gul bhī hai dāġh-e-āshiyāñ hone ke baad

pās-e-rabt-e-ġhair ham se chhoḌ kar rasm-e-qadīm

inqalāb-e-vaz.a-dārī mehrbāñ hone ke baad

kyā sitam-hā-e-azīzāñ kī shikāyat kījiye

ishq meñ pāmāl-e-jaur-e-āsmāñ hone ke baad

uf kahā kis dard se paiġhām yārān-e-qafas

qabr-e-bulbul par sabā ne gul-fishāñ hone ke baad

marg-e-ġhurbat parda-e-rusvā.ī-e-ulfat huī

tum duā.eñ do ajal ko shādmāñ hone ke baad

ḳhaak ho jaanā hujūm-e-ārzū kā haa.e haa.e

jāda-e-rāh-e-mohabbat meñ ravāñ hone ke baad

tum ko paya naqd-e-hasti raegan hone ke baad

daulat-e-nau hath aai be-nishan hone ke baad

jam gir kar hath se zer-e-asa hai chur-chur

kya jien hum rind pir-e-na-tawan hone ke baad

tere lab par aur harf-e-na-umidi ai nadim

ye sitam ahl-e-wafa ka raaz-dan hone ke baad

azm-e-masjid se tulu-e-subh se kuchh peshtar

zeb-e-mai-KHana hun maghrib ki azan hone ke baad

KHar-o-KHas phunke laga di barq ne KHirman mein aag

sadma-e-gul bhi hai dagh-e-ashiyan hone ke baad

pas-e-rabt-e-ghair hum se chhoD kar rasm-e-qadim

inqalab-e-waza-dari mehrban hone ke baad

kya sitam-ha-e-azizan ki shikayat kijiye

ishq mein pamal-e-jaur-e-asman hone ke baad

uf kaha kis dard se paigham yaran-e-qafas

qabr-e-bulbul par saba ne gul-fishan hone ke baad

marg-e-ghurbat parda-e-ruswai-e-ulfat hui

tum duaen do ajal ko shadman hone ke baad

KHak ho jaana hujum-e-arzu ka hae hae

jada-e-rah-e-mohabbat mein rawan hone ke baad