tum mere dil mein raho hasrat-o-arman ho kar

tum mire dil meñ raho hasrat-o-armāñ ho kar

ḳhāna-e-dil na miTe ḳhāna-e-vīrāñ ho kar

mah-o-anjum ruḳh-e-pur-nūr pe qurbāñ ho kar

chaah meñ terī rahe chāh-e-zanaḳhdāñ ho kar

haq ne mahbūb ko dekhā to kahā ye hañs ke

merī tasvīr bane baiThe ho insāñ ho kar

saath rahne se mohabbat bhī to ho jaatī hai

kyoñ kahīñ jaa.e hamārī shab-e-hijrāñ ho kar

tū vo tasvīr hai tasvīr tirī khīñch na sakī

jal uThe lauh-o-qalam sarv-e-charāġhāñ ho kar

diid kā shauq hai jis ko vo nazāra kar le

sāmne baiThe haiñ vo sarv-e-charāġhāñ ho kar

donoñ aalam haiñ tirī barq-e-nazar se ghāyal

tiir ban kar kahīñ chamkī kahīñ paikāñ ho kar

lazzat-e-gardish-o-āfāt-e-musalsal mat pūchh

jab maraz had se baḌhā rah gayā darmāñ ho kar

sher kah kar bhī maiñ gumnām abhī tak huuñ 'qadīr'

yahī misrā mirā rah jā.egā dīvāñ ho kar

tum mere dil mein raho hasrat-o-arman ho kar

KHana-e-dil na miTe KHana-e-viran ho kar

mah-o-anjum ruKH-e-pur-nur pe qurban ho kar

chah mein teri rahe chah-e-zanaKHdan ho kar

haq ne mahbub ko dekha to kaha ye hans ke

meri taswir bane baiThe ho insan ho kar

sath rahne se mohabbat bhi to ho jati hai

kyon kahin jae hamari shab-e-hijran ho kar

tu wo taswir hai taswir teri khinch na saki

jal uThe lauh-o-qalam sarw-e-charaghan ho kar

did ka shauq hai jis ko wo nazara kar le

samne baiThe hain wo sarw-e-charaghan ho kar

donon aalam hain teri barq-e-nazar se ghayal

tir ban kar kahin chamki kahin paikan ho kar

lazzat-e-gardish-o-afat-e-musalsal mat puchh

jab maraz had se baDha rah gaya darman ho kar

sher kah kar bhi main gumnam abhi tak hun 'qadir'

yahi misra mera rah jaega diwan ho kar