tumne bimar-e-mohabbat ko abhi kya dekha

tum ne bīmār-e-mohabbat ko abhī kyā dekhā

jo ye kahte hue jaate ho ki dekhā dekhā

tifl-e-dil ko mire kyā jaane lagī kis kī nazar

maiñ ne kambaḳht ko do din bhī na achchhā dekhā

le gayā thā taraf-e-gor-e-ġharībāñ dil-e-zār

kyā kaheñ tum se jo kuchh vaañ kā tamāshā dekhā

vo jo the raunaq-e-ābādī-e-gulzār-e-jahāñ

sar se pā tak unheñ ḳhāk-e-rah-e-sahrā dekhā

kal talak mahfil-e-ishrat meñ jo the sadr-nashīñ

qabr meñ aaj unheñ be-kas-o-tanhā dekhā

bas-ki nairañgī-e-ālam pe use hairat thī

ā.īna ḳhāk-e-sikandar ko sarāpā dekhā

sar-e-jamshed ke kaase meñ bharī thī hasrat

yaas ko mo.atakif-e-turbat-e-dārā dekhā

tum ne bimar-e-mohabbat ko abhi kya dekha

jo ye kahte hue jate ho ki dekha dekha

tifl-e-dil ko mere kya jaane lagi kis ki nazar

main ne kambaKHt ko do din bhi na achchha dekha

le gaya tha taraf-e-gor-e-ghariban dil-e-zar

kya kahen tum se jo kuchh wan ka tamasha dekha

wo jo the raunaq-e-abaadi-e-gulzar-e-jahan

sar se pa tak unhen KHak-e-rah-e-sahra dekha

kal talak mahfil-e-ishrat mein jo the sadr-nashin

qabr mein aaj unhen be-kas-o-tanha dekha

bas-ki nairangi-e-alam pe use hairat thi

aaina KHak-e-sikandar ko sarapa dekha

sar-e-jamshed ke kase mein bhari thi hasrat

yas ko moatakif-e-turbat-e-dara dekha