tumne chhoDa tha jahan yar wahin hain hum log

tum ne chhoḌā thā jahāñ yaar vahīñ haiñ ham log

ham ko honā thā kahīñ aur kahīñ haiñ ham log

raunaq-e-shahr-e-riyā ne hai jinheñ toḌ diyā

haañ unhīñ TuuTe makānoñ ke makīñ haiñ ham log

āsmāñ jin kī uḌānoñ ke liye kamtar hai

aise be-pāyāñ parindoñ kī zamīñ haiñ ham log

jaane vaalo mirā paiġhām ḳhudā ko denā

jā ke kahnā had-e-imkāñ meñ nahīñ haiñ ham log

ham ko ab roz na hone kā gumāñ hotā hai

roz ham ḳhud ko dilāte haiñ yaqīñ haiñ ham log

tum ne chhoDa tha jahan yar wahin hain hum log

hum ko hona tha kahin aur kahin hain hum log

raunaq-e-shahr-e-riya ne hai jinhen toD diya

han unhin TuTe makanon ke makin hain hum log

aasman jin ki uDanon ke liye kamtar hai

aise be-payan parindon ki zamin hain hum log

jaane walo mera paigham KHuda ko dena

ja ke kahna had-e-imkan mein nahin hain hum log

hum ko ab roz na hone ka guman hota hai

roz hum KHud ko dilate hain yaqin hain hum log