tumne hathon pe mera nam likha mere baad

tum ne hāthoñ pe mirā naam likhā mere baa'd

merā har lafz banā rang-e-hinā mere baa'd

mere hone hī se thā us pe yaqīn-e-kāmil

kitnā be-faiz sā hai merā ḳhudā mere baa'd

kaun maiḳhāne kī tahzīb se vāqif the yahāñ

sab ko aa jā.egī piine kī adā mere baad

maiñ jo mahrūm-e-karam dar se tire lauTā huuñ

haath ab uThte nahīñ bahr-e-duā mere baa'd

mere hote jise kahte hue ḳhā.if the sabhī

zindagī ne vahī afsāna kahā mere baa'd

sarḳhushī raas na aa.ī jise hamrāh mire

jām-e-ġham pī ke vo shādāb huā mere baa'd

aaj bhī ḳhushk hai kāñToñ kī zabāñ ḳhāk-e-chaman

bhejnā phir se koī ābla-pā mere baad

koī aahaT hai na sargoshī na āvāz koī

kitnā tanhā hai ye sahrā-e-vafā mere baad

maiñ hī thā jo tirī tausīf kiyā kartā thā

ab 'ḳhalish' kaun kare terī sanā mere baa'd

tum ne hathon pe mera nam likha mere ba'd

mera har lafz bana rang-e-hina mere ba'd

mere hone hi se tha us pe yaqin-e-kaamil

kitna be-faiz sa hai mera KHuda mere ba'd

kaun maiKHane ki tahzib se waqif the yahan

sab ko aa jaegi pine ki ada mere baad

main jo mahrum-e-karam dar se tere lauTa hun

hath ab uThte nahin bahr-e-dua mere ba'd

mere hote jise kahte hue KHaif the sabhi

zindagi ne wahi afsana kaha mere ba'd

sarKHushi ras na aai jise hamrah mere

jam-e-gham pi ke wo shadab hua mere ba'd

aaj bhi KHushk hai kanTon ki zaban KHak-e-chaman

bhejna phir se koi aabla-pa mere baad

koi aahaT hai na sargoshi na aawaz koi

kitna tanha hai ye sahra-e-wafa mere baad

main hi tha jo teri tausif kiya karta tha

ab 'KHalish' kaun kare teri sana mere ba'd