tumne ji bhar ke satane ki qasam khai hai

tum ne jī bhar ke satāne kī qasam khaa.ī hai

maiñ ne aañsū na bahāne kī qasam khaa.ī hai

bāġhbānoñ ne ye ehsās huā hai mujh ko

āshiyānoñ ko jalāne kī qasam khaa.ī hai

inqilābāt ke sho.ale bhī kahīñ bujhte haiñ

aap ne aag bujhāne kī qasam khaa.ī hai

Dar yahī hai ki kahīñ ḳhud se na dhokā khā jaa.e

jis ne dhoke meñ na aane kī qasam khaa.ī hai

tujh pe martā huuñ tire sar kī qasam khātā huuñ

ġhair ne aaj Thikāne kī qasam khaa.ī hai

saaf zāhir hai ki ab raaz nahīñ rah saktā

rāz-dāroñ ne chhupāne kī qasam khaa.ī hai

'shād' sāhib kī tarah maiñ ne 'muzaffar'-hanafī

tanz par saan chaḌhāne kī qasam khaa.ī hai

tum ne ji bhar ke satane ki qasam khai hai

main ne aansu na bahane ki qasam khai hai

baghbanon ne ye ehsas hua hai mujh ko

aashiyanon ko jalane ki qasam khai hai

inqilabaat ke shoale bhi kahin bujhte hain

aap ne aag bujhane ki qasam khai hai

Dar yahi hai ki kahin KHud se na dhoka kha jae

jis ne dhoke mein na aane ki qasam khai hai

tujh pe marta hun tere sar ki qasam khata hun

ghair ne aaj Thikane ki qasam khai hai

saf zahir hai ki ab raaz nahin rah sakta

raaz-daron ne chhupane ki qasam khai hai

'shad' sahib ki tarah main ne 'muzaffar'-hanafi

tanz par san chaDhane ki qasam khai hai