tumne sikha hai kahan se sab ko TarKHane ka Dhang

tum ne sīkhā hai kahāñ se sab ko Tarḳhāne kā Dhang

aadmī to aadmī hai rab ko bahkāne kā Dhang

baat ho ruḳhsat kī tum sā koī bhī faa.iq nahīñ

tum na jaano ġham-zadoñ ke ḳhvāb meñ aane kā Dhang

sālhā sajde kiye tum ko bulāne ke liye

jānte ho tum magar pal meñ chale jaane kā Dhang

vasl ke va.adoñ se liiñ murshid ne to shīrīniyāñ

jāntā lekin nahīñ hai ab vo milvāne kā Dhang

but-kade meñ kyoñ na maiñ chūmūñ qadam asnām ke

kārgar kitnā hai terā paañv dīvāne kā Dhang

saañp ke mānind jis lai pe ho tum jānam fidā

koī to ham ko sikhā.e vo kabhī gaane kā Dhang

dil jalānā rūThnā phabtī uḌānā kosnā

kis se sīkhā hai ye tū ne ḳhud ko bahlāne kā Dhang

ai sarāpā-nāz ban jaatī hai tū to sāhira

vaah kitnā hai muassir tere sharmāne kā Dhang

tum ne sikha hai kahan se sab ko TarKHane ka Dhang

aadmi to aadmi hai rab ko bahkane ka Dhang

baat ho ruKHsat ki tum sa koi bhi faiq nahin

tum na jaano gham-zadon ke KHwab mein aane ka Dhang

salha sajde kiye tum ko bulane ke liye

jaante ho tum magar pal mein chale jaane ka Dhang

wasl ke wadon se lin murshid ne to shiriniyan

jaanta lekin nahin hai ab wo milwane ka Dhang

but-kade mein kyon na main chumun qadam asnam ke

kargar kitna hai tera panw diwane ka Dhang

sanp ke manind jis lai pe ho tum jaanam fida

koi to hum ko sikhae wo kabhi gane ka Dhang

dil jalana ruThna phabti uDana kosna

kis se sikha hai ye tu ne KHud ko bahlane ka Dhang

ai sarapa-naz ban jati hai tu to sahira

wah kitna hai muassir tere sharmane ka Dhang