tumne to qasd-e-safar jaana tha

tum ne to qasd-e-safar jaanā thā

tum ko duniyā se guzar jaanā thā

yuuñ na ḳhushbū ko bikhar jaanā thā

ḳhema-e-gul meñ Thahar jaanā thā

rang kī tarah the dīvār pe ham

ik na ik roz utar jaanā thā

vo to utre hī nahīñ paanī meñ

Duub kar jin ko ubhar jaanā thā

is liye khol diyā raḳht-e-safar

jis taraf sab the udhar jaanā thā

fikr thī dil meñ na ehsās na ġham

aise aalam meñ to mar jaanā thā

sirf dastār ga.ī ḳhush haiñ sabhī

jab-ki shāne se ye sar jaanā thā

luT gayā dil kī ḳharīdārī meñ

ḳhisht ko jis ne guhar jaanā thā

qaid-e-ġham se na rihā.ī paa.ī

jis ne dīvār ko dar jaanā thā

tanz ke tiir se jo dil pe lagā

hai agar zaḳhm to bhar jaanā thā

ho ga.ī raat karūñ kyā 'ash.har'

shaam se pahle hī ghar jaanā thā

tum ne to qasd-e-safar jaana tha

tum ko duniya se guzar jaana tha

yun na KHushbu ko bikhar jaana tha

KHema-e-gul mein Thahar jaana tha

rang ki tarah the diwar pe hum

ek na ek roz utar jaana tha

wo to utre hi nahin pani mein

Dub kar jin ko ubhar jaana tha

is liye khol diya raKHt-e-safar

jis taraf sab the udhar jaana tha

fikr thi dil mein na ehsas na gham

aise aalam mein to mar jaana tha

sirf dastar gai KHush hain sabhi

jab-ki shane se ye sar jaana tha

luT gaya dil ki KHaridari mein

KHisht ko jis ne guhar jaana tha

qaid-e-gham se na rihai pai

jis ne diwar ko dar jaana tha

tanz ke tir se jo dil pe laga

hai agar zaKHm to bhar jaana tha

ho gai raat karun kya 'ashhar'

sham se pahle hi ghar jaana tha